PARTORDING NI ACARA

PESTA NATAL PADUAHON

 Ev: Psalmen 96 : 1 - 13         Ep: Johannes 1 : 9 - 14

TOPIK:

“JAHOWA DO RAJA”

 

HKBP 

SELASA, 26 DESEMBER 2023

Pukul 18:00

1. Marende BE HKBP No 51 : 1, 3, 6  “TOLE PUJI MA TUHANTA”

BL. 31

 Tole puji ma Tuhanta, tu Ibana ma rohanta

Asa girgir parendenta, ale dongan Kristen i

 Sai tandai ma denggan basa ni Jahowa Debatanta

Dibasahon do AnakNa, baen hangoluanta i.

-----Musik/Jongjong----

 Ale Jesus haholongan, boan ma tuhasonangan

Hami na di parjalangan, na manghalungunhon Ho

2. VOTUM - INTROITUS - TANGIANG:

U : Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia na tumompa langit dohot tano on. Amen.Nunga tubu di hita sada posoposo, dilehon tu hita sada Anak, pampe tu abaraNa do sogot harajaon, jala bahenonNa GoarNa: Sipartahi halongangan, Ulubalang ni Debata Ama, saleleng ni lelengna, Raja ni hadameon. Endehon hamu sada ende na imbaru di Jahowa, endehon ma Jahowa, ale sandok tano on. Pajojor hamu ma di tongatonga ni angka na so tumanda Ho hamuliaonNa i, ditongatonga ni saluhut bangso halongangan, angka na binahenNa i. Marsomba ma hamu tu Jahowa marpahean na marhadohoan, angka hitir ma hamu maradophon Ibana, ale isi ni sandok tano on.Haleluya!

H : (Mangendehon): BE. HKBP No. 852 : 1HALELUYA HKBP (3X) BL.852

U : Martangiang ma hita! Ale Debata, Ama na di banua ginjang! Pujipujian, hasangapon dohot hamauliateon husombahon hami tu Ho, marningot silehonlehonMi nabalga i tu hami jolma na di pardangolan on, i ma AnakMu, Jesus Kristus, na sinuruMi sian banua ginjang ala ni hami. Gabe na dangol do Ibana jala na pogos, pola tubu Ibana di bara ni Betlehem, asa mamora hami. Sai rajai jala togutogu hami marhitehite TondiM, asa lam huida hami godang ni holong ni rohaM na pinapatar ni AnakMi. Amen.(Hundul)

2. Marende BE. HKBP No. 58:4-5 “MARTUMBUR TUNGKOTUNGKO”

BL. 123

 Pinuji ma Jahowa, na asi roha i, dilehon do AnakNa hangoluanta i

Girgir ma hita on, mamuji Debatanta, ala basaninon.

 O Jesus Tuhannami, naung ro tu tano on, tu pardangolannami di

hasiangan on

Asi ma rohaM, sai togu tondinami tu hasangaponMi.

4. P A T I K :

U : Tangihon hamu (Tatangihon) ma Patik ni Debatadi Pesta Natal Paduahon sadari on,tarsurat di Josua 24 : 14, “On pe, sai habiari hamu ma Jahowa, jala marsihohot rohamuna mangoloi Ibana di bagasan hasintongan, jala paholang hamu debata sileban, angka na nioloan ni ompumuna di bariba ni batang aeki, dohot di Misir, jala oloi hamu ma Jahowa”

U+H : Ale Tuhan Debata sai pargogoi ma hami mangulahon na hombar tu PatikMi. Amen.

5.   Marende BE. HKBP No. 46 : 10-11“NA SIAN GINJANG DO AU RO” BL.33

 O Jesus haholonganki, bongoti dohot rohangki

Pabali sian i sude, na tau mangago au muse

-----Jongjong------

 Haleluya, Haleluya! na ro tu hita Debata

Martua hita baenon nii, saleleng ni lelengna i.

6. MANOPOTI DOSA:

U : Tatopoti ma dosanta martangiang ma hita! Ale Tuhan Debata, Amanami, Pargogo na so hatudosan, Parasiroha mida hami na dangol on! Na ro do hami tu joloM manopoti dosanami na godang i. Di bagasan hajahaton do hami tubu jala ndang adong haporseaon di bagasan rohanami hian, saluhut do hami manimbil sian angka dalanMu. Mansai godang do pangalaosionnami di PatikMu. Alai ingot ma hami, ale Tuhan, ala ni denggan ni basaM dohot asi ni rohaM. Sai unang paingotingot angka dosa ni haposoonnami dohot pangalaosionnami; sai ingot ma hami hombar tu asi ni rohaM dohot denggan ni basaM ala ni GoarMu. Ale Tuhan Jesus, marpamuati ma rohaM di dosanami na godang i! Amen.

    U+H:  Amen.(Hundul)

7. Marende BE. HKBP No. 62: 3 -” 4 “HALALAS NI ROHA GODANG”

 Tuhan Jesus hadomuan na disuru Debata

Na pasaehon sude dosa di dolok Golgata

Hasangapon di Debata, laos dame, dame, dame ma di jolma

Lomo ni roha ni Debata do hita jolma on.

 Sai sondangi ma rohangku ale Tuhan Jesus i

Asa dohot au maruli di hatutubuMi

Hasangapon di Debata, laos dame, dame, dame ma di jolma

Lomo ni roha ni Debata do hita jolma on.

8. E P I S T E L:

U : Tangihon hamu (Tatangihon) ma Hata ni Debata turpuk Epistel di Pesta Natal paduahon sadarion, tarsurat  di Johannes 1 : 9 -” 14 “ Alai nunga mandok ro uju i tu portibi on Panondang na sintong i, na manondangi nasa jolma.

H : Di portibi on hian do Ibana, jalamarhitesianIbana do manjadiportibi on; hapendangditandaportibi on Ibana.

U : Na ro do Ibana manopot na di Ibana hian, gabe ndang dijangkon angka na di ibana i Ibana.

H : Alai manang piga na manjangkon Ibana, tusi do dilehon huaso, asa gabe anak ni Debata nasida, angka na porsea di GoarNa.

U : I ma angka na so tubu sian mudar, manang sian sangkap ni daging, manang sian sangkap ni baoa, tung sian Debata do.

H : Gabe daging ma Hata i jala maringan di tongatonga ni hita on, jadi huida hami ma hasangaponNa, i ma hasangapon ni Anak sasada na sian Ama i, gok asi ni roha dohot hasintongan.

U : I do sahatna. Martua do angka na tumangihon Hata ni Debata jala na umpeopsa.

U+ H: Amen.

9. Marende BE. HKBP No. 598 :2-”3 “BEGE ENDE NI SURUAN”BL. 598

 Kristus Raja sian Surgo, tuat tu portibi on

Tubu sian si Maria, lao manobus hita on

Debata na so tarida, gabe daging songon hita

Nunga raphon hita be, Jesus i, Immanuel

Ende ni Suruan i, sangap ma di Tuhan i.

-----Jongjong-----

 Jesus Raja hadameon sondang hatigoran i

Panondang ni hangoluan di saluhut jolma i

Dirumari do diriNa lao manobus manisia

Asa unang mate be ala ni dosana be 

Ende ni Suruan i, sangap ma di Tuhan i.

10. MANGHATINDANGHON HAPORSEAON:

U : Tahatindanghon ma haporseaonta i, songon na hinatindanghon ni donganta sahaporseaon di sandok portibi on. Rap ma hita mandok!

H : Ahu porsea di Debata Jahowa... d.u (Hundul)

11. SUNGGUGSUNGGUL

12. Marende BE. HKBP No. 50 : 1--- “MARENDE MA HAMU”BL. 119

 Marende ma hamu, on ma dohononmu

Holong ni rohanta, do Posoposo on,

Na mareakhon hita, tu atas tano on 

Tuhanki do Ho, Tuhanki do Ho!

 Malungun au di Ho, o Jesuski naung ro

Apul ma rohangku, saleleng au dison

Asi rohaM di ahu, marnida dangolhon

Taiti au tu Ho, taiti au tu Ho

 Basa do Ama i, disuru Anak i

Asa gararonNa, sude utangta i,

Huhut padirionNa, hasonanganta i

Aut na sahat au, aut na sahat au.

 Tongtong di surgoi, hasonanganta i

Sai mariaria, di si suruan i

Nang angka na badia naung tolhas ro di si

Na masihol au, naeng tusi ma au.

13. J A M I T A:  Psalmen 96 : 1-13

14. Marende BE. HKBP No. 56: 1---  “SAI RO MA HAMUNA” BL. 139 

(Pelean Ia, Ib dan II)

 Sai ro ma hamuna angka na porsea, sai ro ma hamuna tu Betlehem

Ida dakdanak sipalua hita, tasomba ma Ibana, tasomba ma Ibana

Tasomba ma Ibana, Rajanta.

 O Raja na sangap Tuhan ni saluhut, ditaon Ho na porsuk di tano on

Ala ni jolma na di hamagoan, tasomba ma Ibana, tasomba ma Ibana

Tasomba ma Ibana, Rajanta.

------Musik------

 Hamuna suruan, puji ma Jahowa rap dohot sude na martua i

Sangap di Tuhan Debata di surgo, tasomba ma Ibana, tasomba ma Ibana

Tasomba ma Ibana, Rajanta.

 O Jesus Tuhanku sai naeng pujionku pambaenMu di ahu pardosa on

Ai gabe jolma Ho humophop ahu, tasomba ma Ibana, tasomba ma Ibana

Tasomba ma Ibana, Rajanta.

15. TangiangPelean(Jongjong ma hita )

U : Tatangianghon ma peleanta.Ale Debata, Amanami na di banua ginjang! Ho do haroroan ni saluhut silehonlehon na denggan dohot nasa ulibasa na mauliutus. Hupasahat hami ma sian na nilehonMi tu hami, peleannami tu Ho. Sai jalo ma i gabe uap na hushus di joloM. Pasupasu ma i jala ramoti asa huparhaseang hami pelean on, patimbulhon HarajaonMu di tongatonga ni HuriaM dohot di portibi on. Buhai ma rohanami marhitehite TondiM, asa lam hutanda hami godang ni silehonlehonMi tu hami, asa lam girgir hami mandok mauliate tu Ho, marhitehite Jesus Kristus Tuhannami. Amen.

H : (Mangendehon) BE. HKBP No. 204 : 2 “NDANG TADINGHONONHU HO”   BL. 73        

♫♪♫ Nasa na nilehonMi, tondi ro di pamatanghu

U : Ale Amanami na di banua ginjang! Sai pinarbadia ma GoarMu! Sai ro ma HarajaonMu! Sai saut ma lomo ni RohaM di banua tonga on songon na di banua ginjang! Lehon ma tu hami sadari on hangoluan siapari! Sesa ma dosanami songon panesanami di dosa ni dongan na mardosa tu hami! Unang hami togihon tu pangunjunan! Palua ma hami sian pangago!

H : (Mangendehon): BE. HKBP No. 841b : 1 “Ai Ho Do NampunaHarajaon” BL. 841     

♫♪♫ Ai Ho do nampuna harajaon, dohot hagogoon

U : TangiangPasupasu.

H : (Mangendehon ) BE. No. 845 : 1 “Amen (3x) HKBP” BL. 845