PARTORDING NI ACARA PARPUNGUAN BODARI UJUNG TAON 2023

Ev: Heber 13 :20-21        Ep: 5 Musa 31:7-8

TOPIK:

DI IBANA MA HASANGAPON RO DI SALELENG NI LELENGNA

HKBP 

MINGGU, 31 DESEMBER 2023

Pukul 18:00

01. PAMUHAI :

U : Huria nahinaholongan ni Tuhan Jesus Kristus, namarpungu do hita di borngin on i ma borngin naparpudi di taon 2023 on. Ndang apala sadia lelengnari tinggalhononta ma taon 2023 jala bongot ma hita tu taon na imbaru 2024. Di ujung ni taon on ringkot do marrujiruji hita marningot pardalanan naung tabolus, huhut laos songon na paulak hosaloja laho manguduti pardalananta i. Antong aha ma sisoarahononta tu Tuhanta Pardenggan basa i?

R : Ale Tuhannami, sai parrohai ma hami mamilangi angka ariarinami, asa dapotan roha na bisuk hami.

U : Marragam do angka na tabolus manipat dibagasan na sataon bolon on, ra atik tung sipata ganggu do rohanta marningot angka na maol di pardalanan ni ngolunta. Alai ingkon sai tongtong do golomonta, ia Tuhanta pardenggan basa i sai patupaonNa do angka na dumenggan tu hita. DI IBANA MA HASANGAPON RO DI SALELENG NI LELENGNA,  ima ita golom laho papos rohanta manalpuhon taon on dohot mangeahi taon naimbaru i. Dibahen i, rap ma hita mangendehon sangap di goarNa i. Tapangiar soaranta lao mamuji Tuhan i. 

02. Marende BE No.  581 : 1-3“SANGAP DI JAHOWA”

 Sangap di Jahowa na sun timbul i, Balga ni holongNa ndang tarasam i

 Tung so hasuhatan do basaNa i, Marhite AnakNa ni lehonNa i.

 Balga situtu pambaenMi Debata. Tung so hasuhatan holong ni rohaM.

03. VOTUM -” INTROITUS -” TANGIANG:

U : Marhitehite goar ni Debata Ama, dohot goar ni AnakNa Tuhan Jesus Kristus, dohot goar ni Tondi Parbadia na tumompa langit dohot tano on. Amen. Mulak ma sogot halak angka na pinalua ni Jahowa, jala mariaia ro tu Sion; jala halalas ni roha saleleng ni lelengna di atas ulu ni nasida, dapotan hilas dohot las ni roha nasida, alai maporus ma anggo arsak dohot hoihoi ni roha. Haleluya.

 R : (Mangendehon) Haleluya, Haleluya, Haleluya!

U : Martangiang ma hita: Ale Tuhan Debata, pargogona so hatudosan jala pardenggan basa! Rodi saleleng ni lelengna do asinirohaM. Mauliate ma rohanami tu Ho, ala di ramoti Ho hami sian na sailaon sahat tu sadarion. Hupujihami ma Ho, ala naung sahat tu hami barita nauli na sian AnakMu, Tuhan Jesus Kristus, napangolu hami. Mauliate hudok hami tu Ho, ala di bagasan dame dohot hasonangan dilehon Ho hataM nabadiai. Sai asima rohaM, urupi ma hami mangulahon nanidokMu, asa hot rohanami jala tarparangehon hami parange na badia. Sai ajari jala paimbaru ma rohanami, asa lam ias hami rodi hasusuda ni bohal nami, marhite Tuhan Jesus Kristus Tuhannami. Amen.(Hundul)

04. Marende BE No. 754: 1“ GOK LAS NI ROHA DO AU ”

 Gok las ni roha do au di ngolungkon

Di ngolungkon di ngolungkon gok las ni roha

Do au di ngolungkon tongtong di rohangkon

Mauliate gok las ni roha maringan, HolongMi Tuhan di au

Mauliate gok las ni roha maringan, HolongMi Tuhan di au

05. PATIK:  

U : Tangihon hamu ma Patik ni Debata di Parpunguan Bodari Ujung ni Taon on, i ma natarsurat di Parjamita 12:13. “Pangarimpunan ni sude poda naung itabege, on do: Habiari Debata, jala radoti angka tonana, ai i do inana siingoton ni ganup jolma..”. Ima sahatna, antong rap mangido gogo ma hita tu adopan ni Debata.

R : Ale Tuhan Debata, sai pargogoi ma hami mangulahon na hombar tu PatikMi. Amen.

06. Marende BE No. 697: 1+4“MOLO HO DO HUIHUTHON”

 Molo Ho do huihuthon dame sonang rohangki

Sai horas jala martua nasa na hinophopMi.

Ho tongtong ihuthononku, Jesus na palua au.

Ho sambing do oloanhu ala ni martua au.

(Jongjong)

 Marparange na badia, ma au di adopanMi,

Sai patau ma au tiruan, songon pinangidoMi.

Ho tongtong ihuthononku, Jesus na palua au.

Ho sambing do oloanhu ala ni martua au.

07. MANOPOTI DOSA DOHOT BAGABAGA 

U : Tatopoti ma dosanta na godang i tu adopan ni Debata, tapaunduk be ma rohanta, martangiang ma hita! Ale Tuhan Debata Amanami parasiroha na sumurung! Na marpungu do hami di joloM martangiangtu Ho; ndada mangasahon hatigoranmi, namangasahon asinirohaM nagodang i do. Sai asi ma roham mida angka bangso nami, sesama dosa nami saluhutna, sai sungguli ma rohanami, asa muba roha dohot pangalahonami, alani Tuhan Jesus Kristus Tuhannami, sipangoluhami. Amen

R : Musik BE. No.  227: 1 (Martangiangnahohom)

U+R: Amen.                (Hundul)

08. Marende BE No. 453: 3    “SADA GOAR NA UMULI”

 Sipalua do goarMu, saut malua tondingki.

Nasa rante ni sibolis ingkon sega baenon ni i. 

GoarMi, Tuhanki, holani do endengki,

GoarMi Jesuski do pamalum rohangki.

09. E P I S T E L :

U : Tabege ma Hatani Debata turpuk Epistel di Parpunguan Bodari Ujung taon on,  i ma natarsurat di 5 Musa 31:7-8, “Dung i dijou si Musa ma si Josua, jala ninna ma tu ibana di adopan ni sandok Israel: Pir ma tondim jala marsihohot, ai sahat ma anggo ho rap dohot bangso on masuk tu tano naung niuarihon ni Jahowa tu ompunasida, naeng lehononna tu nasida, jala ho do marsagihon satu nasida bahen partalianna.

R : Ai Jahowa sandiri mardalan di adopanmu, Ibana mandongani ho; ndang tagamon marsombusombu Ibana mida ho, manang tadingkononna ho; unang ho tahuton jala unang ho godoron!

U : I do sahatna: Martua do angka na tumangihon Hata ni Debata jala na umpeopsa. Amen.

11. Marende BE No.186 :1+3“TONGTONG TUTU NA DENGAN DO”

 Jahowa do haposanki, na mangapoi rohangku

Na patiurhondalanki, bulus dibaen langkangku

Sonang tongtong rohangkinon, binaenni Debatangku

PatikNa do lomongku

 Ndang dung dihalupahon Ho, sudena holongroha (Jongjong)

Di Ho,ai sai dapotsa do, na tau apulapulna

Tung sonang do dibahen Ho, nasaitongtongporsea

Maluasianjea

12. MANGHATINDANGHON HAPORSEAON:

U : Tahatindanghon ma haporseaontai, songon na hinatindanghon ni donganta sahaporseaon di sandok portibi on. Rap ma hita mandok:

R : AhuPorsea…..     (Hundul)

13. Marende BE. No. 758 : 1     “JAHOWA PANGURUPI”

 Jahowa pangurupi disi ulaonmi.

Dilehon pos ni roha di ganup tingki i,

14. BARITA JUJUR TAON  (Uluan ni Huria )

15. Tangiang Pangondianon

16. Mandok Hata :

a. Utusan RuasAma

b. Utusan Ruas Ina

c. Utusan Parhalado

18. Marende BE No. 238  : 1--  “IHUTHON AU SUDE HAMU”

1. Ihuthon Au sude hamu, didok Tuhanta Jesus

2 Sai Au panondang di hamu, di dalan hangoluan

19. JAMITA: Ev: Heber 13 :20-21

20. Marende BE No. 467 : 1….  “ASI NI ROHAM HUPUJI”

(Pelean Ia, Ib, II)

1 Asi ni rohaM hupuji ala Ho manobus au.

Dipaias Ho rohangku, gabe soranganMu au.

IngananMu roha nami, TondiMi manggohi i.

Pangke dohot ngolu nami gabe ulaulaMi.

2 Sai ramoti ma rohangku, asa boi gohanMu au.

Sai mabaor ma pasupasu, nang marhite sian au.

IngananMu…

-----musik------

3 Naeng huhatindangkon hami, hagogoonMi tongtong,

Paluahon na mardosa, nang parjahat na bolong.

IngananMu…

4 Sai papulik rohanami, gabe pangoloi di Ho.

Asa marsahala hami, lao mangkatindangkon Ho.

IngananMu…

21. PANGUJUNGI:  (Jongjong)

U : Nunga tabege Hata ni Debata na pasintonghon tu hita bagabagaNa na denggan i, asa boanonNa hita mulak hombar tu sangkapNa. Sangkap hasonangan do tahe sangkap ni Debata dompak hita, ndada tu hamagoan. Disi ma lehononNa angka na hinalungunhon ni rohanta. Na marsalpuan do saluhutna na di tano on, ai songon duhutduhut do nasa daging, songon bunga ni duhutduhut i do saluhut hasangaponna. Alai na hot do bagabaga ni Debata, laos Ibana do naung mandok: Molo joujou hamu, huhut laho hamu martangiang tu Ahu, gabe tangihononHu ma hamu. Tapeop ma bagabaga ni Tuhan i laho borhat mangalangkahon langkanta tu taon na imbaru 2024 na ro on.

R : Ale Tuhan Debata, na pos situtu do rohangku, urupanMu ma ahu laho manguduti pardalanan ni ngolungku ganup ari. BagabagaM ma na sai huhaposi di ngolungku. 

U : Kristus do Tuhan naung ro tu portibi on na sinuru ni Debata Ama laho pasauthon sangkap hatuaon dohot haluaon na sian Debata. Nunga saut dipalua Jesus hita sian haholomon, jala diboan hita tu hatiuron hombar tu bagabagaNa i. Antong Raphon Tuhan Jesus i ma taula siulaonta. Borhat ma hita mandalani taon na imbaru 2024 dibagasan las ni roha. 

R : (Mangendehon) BE No. 309  :3    “RAPHON TUHAN JESUS I”

 Molo Jesus donganmi ndang tarbaen ho mago

Nang bisuk sibolis i, Jesus do gumogo

Asal dihaposi hoJesus i,Tuhanmu

Ingkon sai maporus do na ni arsakhonmu.

U : Tatangiang pelean + Agenda + Ale Amanami + Pasupasu

R : (Mangendehon )Amen, Amen, Amen.