Renungan HKBP Minggu, 10 Maret 2024 - LAM GANDA MA JESUS, LAM MORU MA ANGGO AHU - Johannes 3:22-30 - hkbp.lagu-gereja.com | Lagu gereja HKBP

Buku Ende, BN (Buku Nyanyian HKBP, Suplemen Buku Ende, Lagu KOOR HKBP, Katekhimus Kecil

View : 1166 kali

Renungan HKBP 2024
Renungan HKBP Minggu, 10 Maret 2024 - LAM GANDA MA JESUS, LAM MORU MA ANGGO AHU - Johannes 3:22-30

Huria ni Kristus…

Adong pandohan ni Presiden RI pertama, Ir. Soekarno: “Gantungkan cita-citamu setinggi bintang di langit, dan rendahkan hatimu serendah mutiara di dasar lautan”. Terkenal do pandohan i laho memotivasi dohot menginspirasi rakyat Indonesia. Sisada pandohan do na dua i, jala sadalan. Ndada holan laho memotivasi asa meraih cita-cita na timbo; alai ingkon do sadalan tu haserepon ni roha.

Patutoru diri asa dipatimbo. Boi do timbo jabatan dohot pangkat ni sasahalak, alai ndang toruk rohana, dohot do rohana pe timbo; sombong dan angkuh. Jolma sisongon i timbo kedudukan alai toruk hasangaponna; dangolna i. Nda tumagon ma jolma, nang pe toruk do nian kedudukanna, alai dihormati halak ibana? Diparsangapi jala disegani halak ibana. Alanii, pandohan ni Bung Karno i kuncina ima: Patutoru diri laho mandungdung na pinarsinta ni roha.

Songon dia do parjadi nii?? Nda ingkon nangkok do hita tu ginjang asa boi dapot cita-cita na timbo??? Toho, mansai toho.
Alai songon dia do parnangkokna? Adong do tangga-tangga tu ginjang, tangga parjolo, paduahon dohot satorusna, step by step, adong tahapan-tahapan siulahononta.

Ido umbahen didok na bisuk: Manang ise na mamingkiri hatimboon manang haginjangon ni roha sai sungkot do ibana disi, ala pingkiranna dohot ambisina nunga tu na timbo, hape ndang ibana dope na patut disi. Alani i, ingkon tapatutoru do dirinta, asa unang sungkot, alai boi denggan sahat tu inganan na timbo.

Taringot tusi do jamita Minggu on: Haserepon ni roha, patutoru diri, dohot mananda diri. Ise do ahu, aha do ulaonku, aha do kedudukanku? Ido sitiruonta sian si Johannes Pandidi di turpuk jamita on.

Johanes Pandidi. Ndang hea si Johannes menonjolkan diri, nang pe adong do kesempatan i. Managamnagam do bangso Israel taringot Kristus (Mesias) Sipalua na pinarbagabaga Debata. Ala marjamita si Johannes jala mandidi gabe disurasura na torop i do ibana Kristus na pinarbagabaga i (Lukas 3:15; Johannes 1:19).

Aut sura diolophon ibana hata ni na torop i, didok ibana: “Ido, ahu do Kristus i, ninna, gabe sombaon ni na torop i hian ma ibana. Alai dialusi ibana do: “Ndang ahu Kristus i.” “Ndang panurirang ahu.” (Joh.1:20-21).

Seharusna on do kesempatan ni si Johannes meraih popularitas ni dirina. Merebut kedudukan. Mandungdung na timbo so pola martangga. Mangalumpat laho mambuat hasangapon na timbo. Kesempatan tidak selalu datang kedua kali, dan bisa saja kesempatan itu hanya sekali seumur hidup. Alai dilewathon ibana do kesempatan i, gariada tahe ndang dipingkiri ibana i. Ndang dipangke pengakuan ni na torop i.

Sampe tartangkup si Johannes jala mate dibunu ndang direbut ibana kedudukan ni Kristus i. Tongtong do ibana satia di ulaon parsuruon ni Tuhan i tu ibana. Marisuang do ibana disi? Manolsoli do rohana? NDAONG. Marolopolop do ibana nang pe tartangkup jala dibunu. Dipatimbo Debata do ibana, digolom ibana do gomos hasangapon dohot hamuliaon na nilehon ni Debata tu ibana.

Mulak ma muse tu hadirion ni si Johannes. Jadi ise do si Johannes pandidi i? Ibana sandiri mandok: “Soara ni na manjoujou di halongonan do ahu…” (Joh.1:23). Antong: “boasa mandidihon ho so manang Kristus i ho, manang si Elia, manang panurirang i?” Dialusi ibana ma: “Ia ahu aek do hudidihon, alai nunga jongjong di tongatongamuna Ibana, na so tinandamuna i” (Joh.1:26).

Nang pe dipujipuji halak si Johannes, torop angka na ro tu ibana padidihon dirina, termasuk Jesus sandiri dididi ibana, alai dipatutoru do diriNa; diongkui ibana do dirina sebatas “patujolo” (pendahulu, perintis jalan) di haroro ni Kristus i: “Ndada ahu Kristus i; na sinuru do ahu patujoloNa” (Joh.3:28).

Gariada didok do muse: na hurang tama do ahu marharhari tali ni sipatuNa (Joh.1:27). Ulaon na tumoru do marharhari tali ni sipatu; hape ditoru nii dope ibana di adopan ni Kristus i. Lapatanna: Dao tumimbo jala dao sumangap do Kristus na binaritahonNa i. Ia si Johannes songon patujolo haroro ni Kristus i do ibana.

Molo didok gabe “patujolo,” ima siungkap harbangan, sitotas nambur, manang siparade dalan sidalanan ni Kristus i. Hira dos do i songon pengawal na di jolo sahali.

Na hinirim ni si Johannes ima maraleale ibana dohot Kristus i, saut do hinirimna i. Dihilala ibana do las ni roha ni Jesus; suang songon i do nang Jesus i, lungun do rohana umbege barita hamamate ni si Johannes pandidi on. Gabe lao do Ibana tu inganan na lungun, punjung sahalakna lao martangiang (Mateus 14:13). Disi do jumpang paralealeon na hinirim ni si Johannes. Songon aleale ni pangoli na jongjong di lambungna patangitangi ibana. Songon i do didok Jesus tu angka siseanNa: “Ndang Hugoar be hamu anak somang, ai ndang diboto anak somang na niula ni indukna; aleale do hamu Hudok, ai nunga Hupabotohon tu hamu saluhutna na Hubege sian Damang” (Johannes 15:15).

Salam Sejahtera, Salam Sahabat, Salam Sehat.
Robert Simanjuntak

Nama Bayi Katolik Terlengkap, Tahun Liturgi Dalam Katolik, Kalender Liturgi Katolik 2026, Renungan Katolik 2025,

NEXT:
Renungan HKBP SENIN, 11 MARET 2024 - DOA BERKAT: MENGHARGAI PENYERTAAN TUHAN - BACAAN PAGI (YESAYA 65:17-19) - BACAAN MALAM (ZEFANYA 3:17-20)

PREV:
Renungan HKBP SABTU, 09 MARET 2024 - MENJAMAH BIJI MATA TUHAN ! - BACAAN PAGI (1 KORINTUS 8:1-13) - BACAAN MALAM (1 PETRUS 5:1-11)

Renungan HKBP 2026

Minggu, 26 April 2026
Jamita HKBP Minggu, 26 April 2026 - HATIKU BERSUKACITA DAN JIWAKU BERSORAK-SORAI - Kisah Rasul 2:22-28

Minggu, 19 April 2026
Jamita HKBP Minggu, 19 April 2026 - Marlas Roha di Bagasan Tuhan (Bersukacita dalam Tuhan) - Habakuk 3:10-19

Links: lagu-gereja.com, bible., perkantas, gbi, GKII, gkj, HKBP,
MISA, GMIM, GPM, toraja, gmit, gkp, gkps, gbkp, Hillsong, PlanetShakers, JPCC Worship, Symphony Worship, Bethany Nginden, Christian Song, Lagu Rohani, ORIENTAL WORSHIP, Lagu Persekutuan, NJNE, Nyanyian Jemaat GPM,