Tata Ibadah HKBP - Pentakosta II - Senin, 20 Mei 2024 - PARTORDING NI PESTAPARJOLO PARNINGOTAN ARI HASASAOR NI TONDI PARBADIA - hkbp.lagu-gereja.com | Lagu gereja HKBP

Buku Ende, BN (Buku Nyanyian HKBP, Suplemen Buku Ende, Lagu KOOR HKBP, Katekhimus Kecil

View : 976 kali

Tata Ibadah HKBP 2024
Tata Ibadah HKBP - Pentakosta II - Senin, 20 Mei 2024 - PARTORDING NI PESTAPARJOLO PARNINGOTAN ARI HASASAOR NI TONDI PARBADIA

PARTORDING NI PESTAPARJOLO
PARNINGOTAN ARI HASASAOR NI TONDI PARBADIA

     Ev. 4 Musa 27 : 18 - 23               Ep. 2 Korint 5 : 1 - 5

TOPIK:
NAUNG MARULI TONDI LAHO MANGULUHON

HURIA KRISTEN BATAK PROTESTAN
Senin, 20 Mei 2024
1.   PAMUHAI:
U   :   Hamuna angka dongan na hinaholongan, sadarion sahat ma hita tu Pesta Paduahon Parningotan Hasasaor ni Tondi Parbadia. Di hirim do marhite Pesta Paduahon sadarion, naeng lam tangkas hita mangolu hinorhon ni Tondi ni Debata. Ai didok Jesus do tu angka siseanNa : Alai jaloonmuna do hagogoon ni Tondi Parbadia na songgop tu hamu, gabe sitindangingKu ma hamu di Jerusalem dohot di sandok Judea dohot di Samaria, sahat ro di ujung ni tano on.
R   :   Hami do panindangi di hata on dohot Tondi Parbadia, na nilehon ni Debata tu angka na mangoloi Ibana.
U   :   Asa mardamedame ma huria i di luat Judea dohot Galilea ro di Samaria, jala lam tu toguna ma huhut mamarangehon hatahuton mida Tuhan i, jala lam tu toropna nasida hinorhon ni pangapoion ni Tondi Parbadia.
R   :   Alai gok halalas ni roha dohot Tondi Parbadia ma roha ni angka sisean i.
U   :   Alai hamu angka na hinaholongan, pauliuli hamu ma dirimuna di atas haporseaonmuna na badia situtu, jala martangiang dibagasan Tondi Parbadia. Marende ma hita :
2.   Marende BE No. 108 : 1 -” 3 “BAEN MA GABAGABA”   BL. 203.
   Baen ma gabagaba dohot bungabunga nang pelean i
Ai nuaeng ma jumpang ari parningotan Pentakoste i
Haroro ni Tondi do i ma Tondi Parbadia masuk tu Huria.
   Jangkon ma Ibana ai asi rohaNa ro tu hita on
Asa sondangonNa tiur bahenonNa parohaon tongtong.
Jangkon ma Ibana da asa lao sude arsakmu nang pardangolanmu.
---Jongjong---
   Tondi Pangapuli sahap na ummuli di sisean ni Tuhan Jesus Kristus
Ro ma Ho pabulus tongtong langkangki di na lao tu surgo au
Pargogoi ma au pamonang sahat tu na sonang.

3.   VOTUM -” INTROITUS -” TANGIANG:
U   :   Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia, na tumompa langit dohot tano on. Amen. Sian Sion, situan ni hinadenggan, marsinondang Debata. Sai na ro do Debata, jala ndang tagamon hohom Ibana; ai songonon do didok Jahowa: UsehononKu ma aek tu angka na mauas dohot angka sunge tu na mahiang. UsehononKu ma tutu TondingKu tu pinomparmuna nuaeng jala pasupasungKu tu pinomparmu sogot. Jahowa do Debata, jala Ibana manondangi hita. Tambathon hamu ma angka pelean pesta i sahat ro di angka tanduk ni langgatan. Haleluya!
R   :       (Mangendehon): Haleluya, Haleluya, Haleluya!
U   :   Martangiang ma hita: Ale Tuhan Jesus ! Hudok hami mauliate tu Ho sian nasa rohanami, ala dipaojak Ho huriaM di tano on, jala ala dohot hami di jou Ho tusi. Sai suru ma Tondi Parbadia tu rohanami, asa tung huparhatopot hami Ho hangoluannami, asa lohot tu Ho hami marhitehite haporseaon na sintong, jala asa tongtong huhalashon hami pasangaphon GoarMu, na tarpuji ro di saleleng ni lelengna. Amen.       ---Hundul---
4.   Marende BE No. 640 : 2 - 3 “HAHOLONGAN SIAN GINJANG”
   Lehon tondi haholongon tu parroha na bojok
Bagabaga hadameon sahat baen tu hami on
Jesus Alpha nang Omega bona ni haporseaon
Sai padao ma angka dosa, sai palua hami on.
   Sipalua na sun gogo lehon tu au ngoluMi
Ro ma Ho sai marsihohot mangingani joroMi
Asa Ho husomba hami raphon pardisurgo i
Rap mamuji mangoloi, Ho di hasangaponMi.
5.   PATIK:
U   :   Patik ni Debata sihangoluhonta di Pesta PaduahonParningotan Hasasaor ni Tondi Parbadia sadari on,tarsurat di Konfessi HKBP Taon 1996 Bindu 1 B. 3.   Debata Tondi Parbadia. Debata Tondi Parbadia i ma hapataran ni Debata marhite TondiNa. Di bagasan hadirion, hasitolusadaon na mangula do Debata Tondi Parbadia rap dohot Debata Ama nang Debata Anak, sian saleleng ni lelengna ro di saleleng ni lelengna. Tondi ni Debata do na mangaramoti, manuturi, manurirangi sude jolma dohot pahothon uhum hatigoran na adong di hasiangan on. Ibana do na pasahathon hata nang Pangungkapon na sian Debata tu angka Panurirang. Tondi Parbadia do na manguduti ulaon ni Jesus Kristus di portibi on, laho manjou papungupunguhon, pasadahon parsaoran (Oikumene, Koinonia), pahehe panindangion (Marturia), dohot panghobasion (Diakoni) huhut pabadiahon huria i marhite Barita na Uli. Tondi Parbadia do na mangajari portibi on taringot tu dosa, hatigoran dohot uhum. Ibana do na manahaphon ulaon ni angka na porsea i mambahen hamubaon ni roha, patiurhon, paimbaruhon hadirion, mangogunogu tu hasintongan, mangajari pasangaphon Debata, huhut paradehon sinjata partondion di na porsea i. Marhite poda on taondolhon do holan sada do Tondi na badia, i ma Tondi Parbadia: Ibana do mambahen marparbue Barita na Uli, nang pajongjong Huria i di portibi on. Mangula do Tondi Parbadia sian hadirionNa so ala usaho ni jolma. Ibana do haroroan na nasa ulaon na balga (haholongan) na pasangaphon Debata. Situlahon do poda na mandok dos do Tondi Parbadia dohot angka tondi na asing i di portibi on. Laos tatulak do nasa hataridaan ni na tonditondion, manang pe i sian ulaon pajagahon (usaha kesadaran) jolma, manang na tubu so sian panagamanna. Suang songon i nang poda na mandok na so porlu be marubat molo dung ginohan ni Tondi Parbadia. Tatulak do nang parhataan sileban (glosolalia) na so niantusan ni jolma na gabe bonsir ni hagaoron di punguan angka na porsea. Sude ulaon na balga na so pasangaphon Debata ndang sian Tondi Parbadia i. Ndang ulaon na balga (haholongan) suhatsuhat ni haporseaon, ala ni sutulahon do i.
       Antong rap mangido gogo ma hita sian Tuhan Debata
R   :   Ale Tuhan Debata, sai pargogoi ma hami mangulahon na hombar tu PatikMi. Amen.
6.   Marende BE No. 109 : 1-” 2“SAI SONGGOPI HAMI ON”       BL. 78.
   Sai songgopi hami on Ale Tondi Parbadia
Sai ajari ma tongtong hami on huhut paria
Martangiang tu Tuhanta asa tongtong oloanNa.
---Jongjong---
   Tondi hasangapon i sai ingani rohanami.
Pargogoi ma hami be maralohon dosanami
Asa tung malua hami sian hadosaonnami.

7.   TANGIANG MANGIDO HASESAAN NI DOSA DOHOT BAGABAGA NI DEBATA.
U   :   Tatopoti ma dosanta tu Debata, martangiang ma hita: Ale Debatanami, na marasiroha jala na badia, Amanami, marhitehite Tuhan Jesus Kristus ! Manang piga hali hami ro tu joloM, huhilala hami, ringkot do asi ni rohaM di saluhut hami halak pardosa. Ala ni i do umbahen na hupaserep hami dirinami sadari on di joloM, jala huparhatopot hami, tung na jotjot do hami manimbil sian angka dalanMu na badia songon birubiru na lilu. Sai unang pabali hami sian joloM ala ni dosanami i, ai ndang dihalomohon rohaM hamatean ni angka pardosa, alai hamubson ni rohana do lomo ni rohaM, asa mangolu. Sesa ma saluhut hageduhonnami dohot pangalaosionnami marhitehite pangulunami na sasada i, AnakMu Tuhan Jesus Kristus. Sai pahot ma asi ni rohaM di hami marhitehite panindangion dohot hagogoon ni Tondi Parbadia asa tarapul situtu rohanami manjou Ho, asa pantun, tigor jala daulat hami marpangalaho, bahen hasangapon di GoarMu na badia i
U   :       Tabege ma bagabaga ni Debata taringot tu haeseaan ni dosa :Adong do di hita sintua ni malim na songon i, na hundul di siamun ni habangsa ni hatongamon di banua ginjang. Dibahen i tarbahen Ibana do pangoluhon ro di ujungna angka na sandok ro tu Debata marhitehite Ibana; na mangolu do Ibana tongtong, asa diitangianghonnasida. Hasangapon ma di Debata na di ginjang. Hasangapon ma di Debata na di ginjang!
U &R:   Amen.                   ---Hundul---
8.   Marende BE No. 435 : 1-2 “MAROLOPOLOP TONDINGKI”   BL. 294.
   Marolopolop tondingki ai naung di tobus Jesus i.
Hamu sude, bege ma i, sai las rohangku mandok i
Sonang ni tingki i, dung jumpang Jesus Tuhanki !
Tondi na mangajari au, tarbaen marlas ni roha au !
Sonang ni tingki i, dung jumpang Jesus Tuhanki.
   Dihaol holongNa rohangki, tung na so boi be mago i.
MataNa do manatap au, pinggolNa tumangihon au.
Sonang ni tingki i, dung jumpang Jesus Tuhanki !
Tondi na mangajari au, tarbaen marlas ni roha au !
Sonang ni tingki i, dung jumpang Jesus Tuhanki.

9.   E P I S T E L:
U   :    Hata ni Debata turpuk di Pesta Paduahon Parningotan Hasasaor Ni Tondi Parbadia sadari on, ima na tarsurat di2 Korint 5 : 1 - 5.Ai on do huboto hami: Di na tanggal bagas parlapelapeannami na sian tano on, adong ma di hami inganan na sian Debata, bagas na so pinauli ni tangan, na mian salelenglelengna di banua ginjang i.
R : Ai saleleng dison, marhoi do hami huhut masihol, naeng haru solukkononhon inganannami na sian banua ginjang i.
U :   Ai nda tung songon na marsaemara hami tardapot disi, tung marabit do.
R : Ai tagan di parlapelapean on hami, marhoi do hami jala sorat, ala dipangido rohanami: Naeng unang ma ditanggali sian hami, dilampishon ma nian, asa dibondut hangoluan i hamatean.
U :   Alai na patauhon hami tusi, Debata do i, dung jolo dilehon tu hami Tondi i, patujolona i.Ima sahatna. Martua ma angka na tumangihon Hata ni Debata jala na umpeopsa. Amen.
10.   Marende BE No. 462 : 1 - 2“ALE TONDI PARBADIA”        BL. 311.
   Ale Tondi Parbadia, sai songgopi hami on.
Rohanami ma paria lao mamuji Ho tongtong.
Ho tongtong, Ho tongtong, lao mamuji Ho tongtong.
---Jongjong---
   Debata ni hangoluan, lehon hangoluan i.
Sunggul sian partangisan saluhut na mate i.
Saluhut, saluhut, saluhut na mate i

11.   MANGHATINDANGHON HAPORSEAON:
U   :   Tahatindangkon ma haporseaonta i, songon na hinatindangkon ni donganta sahaporseaon di sandok portibi on. Rap ma hita mandok:
R   :   Ahu Porsea…..
12.   Koor :
13.   Sunggulsunggul.
14.   Koor :

15.   Marende BE No. 461: 1-2 “SONGGOP TU HAMI”       BL. 407.
   Songgop tu hami na di joloMon, o tondi, niDebatangki.
Uhir patikMu tu rohangkinon,o Tondi ni Debatangki.
Bereng siholhu di haroroMi, molo Ho ro, nda hisar tondingki.
Didihon ma tu au onapiMi. o Tondi ni Debatangki.

   Suru TondiM paluahon au on. Palua ma, o Debata.
Bereng dagingku, tondingku dison, palua ma, o Debata.
Dao ma pangambat di soaraMi, hisap ni daging, sandok diringki,
Na mangarsahi tongtong TondiMi. Palua ma, o Debata.

16.   JAMITA : 4 Musa 27 : 18 - 23
17.   Marende BE No. 463: 1-... “PASUPASUM TONGOSONMU”   BL. 312.
(Papungu Pelean IA, IB, II)
   PasupasuM tongosonMu i do didok hataMi,
Suru tondiM na badia, bosur ma baen rohangki.
HagogoonMu songgop ma tu rohangkon.
Unang sai holan manetek, gohi sandok diringkon.
   Buat ma angka pangambat, unang songsong dalan i.
Mual ni aek hangoluan ringkot do di rohangki.
HagogoonMu songgop ma tu rohangkon.
Unang sai holan manetek, gohi sandok diringkon.
---Musik---
   Bereng ma sai hupaima, nunga rade rohangki,
Guru di Ho ma ngolungku, dohot au tinobusMi.
HagogoonMu songgop ma tu rohangkon.
Unang sai holan manetek, gohi sandok diringkon.

18.   Tagiang Panutup.

Nama Bayi Katolik Terlengkap, Tahun Liturgi Dalam Katolik, Kalender Liturgi Katolik 2026, Renungan Katolik 2025,

NEXT:
Tata Ibadah HKBP - MINGGU TRINITATIS, 26 Mei 2024

PREV:
TATA IBADAH HKBP Minggu, 19 Mei 2024 - PESTA I PERINGATAN TURUNNYA ROH KUDUS

Renungan HKBP 2026

Minggu, 26 April 2026
Jamita HKBP Minggu, 26 April 2026 - HATIKU BERSUKACITA DAN JIWAKU BERSORAK-SORAI - Kisah Rasul 2:22-28

Minggu, 19 April 2026
Jamita HKBP Minggu, 19 April 2026 - Marlas Roha di Bagasan Tuhan (Bersukacita dalam Tuhan) - Habakuk 3:10-19

Links: lagu-gereja.com, bible., perkantas, gbi, GKII, gkj, HKBP,
MISA, GMIM, GPM, toraja, gmit, gkp, gkps, gbkp, Hillsong, PlanetShakers, JPCC Worship, Symphony Worship, Bethany Nginden, Christian Song, Lagu Rohani, ORIENTAL WORSHIP, Lagu Persekutuan, NJNE, Nyanyian Jemaat GPM,