Tata Ibadah HKBP Minggu, 12 Juli 2036 - Minggu, VI Dung Trinitatis - hkbp.lagu-gereja.com | Lagu gereja HKBP

View : 233 kali

Tata Ibadah HKBP 2026
Tata Ibadah HKBP Minggu, 12 Juli 2036 - Minggu, VI Dung Trinitatis

THEMA: MARSIURUPAN - SALING TOLONG MENOLONG

(3 Johannes 1 : 5 - 8)

Minggu, VI Dung Trinitatis
12 Juli 2026

1
I. Pangaradeon dohot Prosesi.
II. Parmingguon
1. Marende No. 565 : 1 -” 3 “Las Rohangku Lao Mamuji”
1. Las rohangku lao mamuji Debata parholong i,
songon bunga na mangerbang di na binsar ari i.
Arsak, dosa, haporsuhon mago dibaen asiMi.
Las ni roha na manongtong lehon di au Tuhanki.
2. Sude jadijadianMu, laut, tano, langit i.
Angka bintang dohot bulan nang mata ni ari i.
Hauma, ladang nang harangan, rura dohot dolok i.
Saluhutna mangendehon sangap di Tuhanta i.

.........Musik......... ( Jongjong )

3. Debata parholong roha na manesa dosangki.
Ndang tarbaen so las rohangku lao mamuji asiMi.
Sai ajari sude hami mangulahon holong i.
Asa gok las rohanami di bagasan Tuhan i.
2. Votum -” Introitus -” Tangiang.

(P1 : Paragenda 1, P2: Paragenda 2, H: Huria)
P1 : Marhitehite goar ni Debata Ama, dohot goar ni AnakNa Tuhan
Jesus Kristus, dohot goar ni Tondi Parbadia na manompa langit
dohot tano on. Amen. Songon on do hata ni Jahwoa: ida ma, Ahu,
apala Ahu sandiri usouso sogot di birubirungKu jala luluanKu
nasida. Songon pangalului ni parmahan dipunguanna ganup ari,
uju di tongatonga ni birubiruna angka na mampar i ibana, suang
songon i Ahu mangalului birubirungKu sogot. Haleluya!

2

H : (Mangendehon) Haleluya...Haleluya,. Haleluya
P2 : Martangiang ma hita : Ale Tuhan Debata, na songkal jala na
badia, Amanami na di banua ginjang! Sai asi rohaM, tatap ma
huriaM. Naung jinouM, jala naung hinophopMu do hami. Dibahen
i sai ramoti ma daging dohot tondinami, asa mardame jala
sonang hami mangihuthon AnakMu. Sai ramoti jala parbadiai ma
huriaM, di naung ojak sada huria ditongatonga ni ruasMu, asa
manghirim ruasMu tu Ho marhitehite hataM na badia, na naeng
marsaor dohot huriaM marhitehite hajongjongan ni bagasMu.
Antong di na marpesta hami sadari on, ima pesta pembangunan
ni huriaM, parrohai jala paian hataMi ditongatonganami, asa
denggan sahundulan angka ruasMu. Dao ma sian
tongatonganami angka bada, parbolatbolatan dohot rimas. Asi
ma rohaM marhitehite Tuhan Jesus Kristus, Anak haholonganMu.
Amen. (Hundul)
3. Marende No. 650 : 1 + 8 “Di Pasada HolongNai”
Dipasada holongNa i, saluhutna porsea i,
Na tarjou tu sada panghirimon i, songon daging ni Kristus i.
Rap masiurupan ma, dibagasan holongNa i,
Taradoti hasadaon ni Tondi i, pinadomu ni dame i.
4. Singkat ni Patik :
P1 : Singkat ni patik di pesta Pembangunan Gareja HKBP
Yogyakarta sadari on, tarsurat di 1 Kronika 29 : 14
“Ai ise nian ahu pola, jala ise pola ia bangsongki, tung
pola tuk gogonami mangaringgas margugu songon
on? Ai marharoroan sian Ho do saluhutna i, jala sian
tanganMi do i na hulehon hami tu Ho.”
P2 : Antong rap mangido gogo ma hita tu adopan ni Debata.

3
Sude : Ale Tuhan Debata sai pargogoi ma hami mangulahon na

hombar tu patikMi. Amen.
5. Marende No. 432 : 1 - 2 “Sian Hurungan Ni Dosangki”
Sian hurungan ni dosangki ro au tu Ho, Ro au tu Ho.
Tu haluaon di mudarMi Jesus au ro tu Ho
Nasa rohangku malum, hipas, gabe mamora, nang pe pogos,
Sian jeangku ro au tu Ho, Jesus au ro tu Ho.
---Jongjong---

Sian ilangku, nang ramunhi, Ro au tu Ho, Ro au tu Ho
Gabe na ias nang rohangki, Jesus, au ro tu Ho.
Sian holsongku tu sonangMi, sian runduthu tu dameMi,
Sian arsakku tu holongMi, Jesus, au ro tu Ho.
6. Tangiang Manopoti dosa
P1 : Martangiang ma hita manopoti dosanta tu jolo ni Debata. Ale
Tuhan Debata, na badia jala na bonar. Parasi jala Partalup ni
roha jala na basar do Ho ! Sai marpangulahi ma rohaM mida
hami. Dibahen i sai sesa ma sude dosanami ! Ndang adong na
hupangasahon hami dungkon ni asi ni rohaM; hatigoran
napinatupa ni AnakMu do na hupangasahon hami tu joloM.
Dibahen i pasonang jala apuli ma hami angka na hinophop ni
Tuhan Jesus Kristus, Tuhannami, Amen
P2 : Tabege ma bagabaga ni Debata taringot tu hasesaan ni dosa:
Ai ndang adong imbar ni i; ai saluhut do pardosa jala hurangan
maradophon hasangapon ni Debata, alai angka na gabe pintor,
binahen ni basabasa marhite sian asi ni rohaNa, hinorhon ni
panobusionNa marhitehite Kristus Jesus i, na pinajongjong ni

4
Debata bahen habangsa parasian marhitehite haporseaon di
MudarNa. Hasangapon ma di Debata na di ginjang .
P+H : Amen (Hundul)
7. Marende BE. No. 672 : 1 - 2 “Tung Godang Situtu”
Tung godang situtu ulaonmu, dipasahat Tuhanta tu ho
ndang adong be tingkim, marnalemba tahe
ngolumi bahen tiruan tongtong
Sai patupa ma i ala ni Tuhan i, so mangkirim balosna tu ho.
Debata do marnida na niulami, manang na adong parbue ni i.
Alani boan ma, sondang na tiur i, boan ma hata ni Tuhan i,
Sai urupi na pogos na mardangol i, ssa ro tu Jesus Tuhanta i.
Sai patupa ma i ala ni Tuhan i, so mangkirim balosna tu ho.
Debata do marnida na niulami, manang na adong parbue ni i.
8. Epistel. 5 Musa 15 : 6 - 11
P1 : Turpuk Epistel di minggunta sadarion ima na tarsurat
sian 5 Musa 15 : 6 -” 11, songon on ma tarsurat disi. Ai
pasupasuon ni Jahowa, Debatam do ho, songon naung
pinarbagaNa i hian tu ho, jadi pasalionmu torop angka
bangso parbegu, alai ndang marsali anggo ho; jala
gomgomanmu torop angka bangso parbegu, alai anggo
ho ndang jadi rajaannasida.
P2 : Tung sura adong di tongatongamu sahalak na pogos
sian hahaanggim di bagasan sada sian angka hutam, di
tanomi, silehonon ni Jahowa, Debatam tu ho, ndang jadi
papironmu roham jala ndang jadi tutuponmu tanganmu
maradophon donganmu na pogos i.

5
H : Ingkon ringgas ho mamuhai tanganmu di ibana jala buas ho
pasali ibana pasingkophon di ibana marguru tu godangna na
hurang di ibana.
P1 : Sai ramoti dirim, asa unang tubu pingkiran na jahat di
bagasan roham, mandok songon on: Nunga lam jonok taon
papituhon, i ma taon haluaon, gabe murhing pamerengmu
mida donganmu na pogos i, laos sundat ho mangalehon tu
ibana, gabe alualuhononna ho tu Jahowa, gabe dapotan dosa
ho.
P2 : Ingkon buas lehononmu ibana, unang pola
marmurukmuruk roham di na mangalehoni ho tu
ibana; ai ala ni do pasupasuon ni Jahowa, Debatam do
ho di saluhut ulaonmu dohot di saluhut na jinama ni
tanganmu.
H : Ai ndang tagamon mansadi adong halak na pogos di
tongatonga ni tano i, ala ni do umbahen hutonahon tu ho
songon on: Ingkon ringgas ho mamuhai tanganmu
mangalehon donganmu na targogot jala na pogos di bagasan
tanomi.
P1 : Ido sahatna. Martua do na tumangihon hata ni Debata jala
naumpeopsa. Amen
9. Marende BE. No. 787 : 5 - 6 “Ingkon Monang Hita”
Masitangiangan, masitangiangan
Masitangiangan hita.
Naporsea do au di Debata, ingkon monang hita.
( Jongjong )
Rap masiurupan, rap masiurupan
Rap masiurupan hita.
Naporsea do au di Debata, ingkon monang hita.

6

10. Manghatindanghon Haporseaon
P1 : Tahatindanghon ma haporseaonta i songon na hinatindanghon
ni donganta sahaporseaon di sandok portibion rap ma hita
mandok
H : Ahu porsea....... (Hundul)
11. Tingting :
12. Marende BE. No. 656 : 1 -” 2 ”Parhahamaranggion i”
Parhahamaranggion i, lam hot jala togu,
Singhop ma hasadaon i, di Jesus I burju,
Rap sauduran hita be marholong na tutu,
Mardame, marlas roha ma di Jesus I tutu.
Togu ma hasadaon i; di ojahanna i,
Sada haporseaon i, di Tuhan Jesus i.
Ai sada pandidion i, ai sada Ama I,
Sada ma hita Kristen i manomba Tuhan i.
13. Jamita. 3 Johannes 1 : 5 -” 8.
14. Marende BE. No. 651 : 1 -” 3 “Huria na huhaholongi hami”

(Papungu Pelean)

Huria na huhaholongi hami, na pinajongjong ni Tuhanta i
Tung naso lupa sian rohanami Huria i, dohot ruasna i
Di nasa hasusaan, tongtong do i manahan
Manggogo pe angka galumbang i
Tuhanta do na pademakhon i
Martua do na hot di Tuhan i

7
Marpadan do au on tu Debatangku, tu Jesus Raja ni Huria i
Sai pangkeonku do nasa gogongku
Mangaradoti huriaNa i
Tung ro pe haleaon ingkon huhabengethon
Manggogo pe angka galumbang i
Tuhanta do na pademakhon i
Martua do na hot di Tuhan i
.... Musik ....

Huria na hinophop ni Tuhanta, Sai mian ma di haholongon i
Sahata ma pangula nang ruasNa, manomba Jesus na marsangap i
Sai timbul hadameon lam tang haporseaon
Manggogo pe angka galumbang i
Tuhanta do na pademakhon i
Martua do na hot di Tuhan i

15. Tangiang Panutup.

Nama Bayi Katolik Terlengkap, Tahun Liturgi Dalam Katolik, Kalender Liturgi Katolik 2026, Renungan Katolik 2025,

NEXT:
Tata Ibadah HKBP Minggu, 19 Juli 2026 - MINGGU VII DUNG TRINITATIS

PREV:
Tata Ibadah HKBP Minggu, 05 Juli 2026 - MINGGU V DUNG TRINITATIS

All Tata Ibadah HKBP 2026

(37)

Nyanyian Ibadah Gereja:
Lagu Koor Gereja, JB (Pujian Sekolah Minggu), KMM, KJ, PKJ, GB, NKB, Kidung Ceria, NR,

NR TORAJA, PKJ TORAJA, NKB TORAJA, NJNE, PENANIAN MASALLO', Pa'pudian, Mazmur Genewa,

Nyanyian Jemaat GPM,

LIRIK LAGU ROHANI SUNDA, Kidung Kabungahan KKB,

KPKL, KPKA, Kidung RIA GKJW,

Buku Ende, BN (Buku Nyanyian HKBP), Suplemen Buku Ende,

MNR1 (Mazmur dan Nyanyian Buku 1),
MNR2 (Mazmur dan Nyanyian Buku 2),
Nafiri Rohani, MAZMUR MP3 GKI, NP (Nyanyian Pujian), Lagu Tiberias, Nafiri Kemenangan, Lagu GMS, PPK, PPPR, KPPK, NKI, NRM, Buku Lagu Perkantas, KPJ, KRI, KPRI, KLIK, NNBT, DSL, LS, Doding Haleluya, LKEE, Suara Gembira, ,

Puji Syukur, Madah Bakti,

NEXT:
Tata Ibadah HKBP Minggu, 19 Juli 2026 - MINGGU VII DUNG TRINITATIS

PREV:
Tata Ibadah HKBP Minggu, 05 Juli 2026 - MINGGU V DUNG TRINITATIS

Renungan HKBP 2026

Minggu, 6 September 2026
Jamita HKBP Minggu, 6 September 2026 - MANGHAHOLONGI DEBATA DOHOT DONGAN JOLMA (Mengasihi Tuhan Allah dan sesama manusia) - Lukas 10:25-37 - MINGGU XIV DUNG TRINITATIS

Minggu, 30 Agustus 2026
Jamita HKBP Minggu, 30 Agustus 2026 - FIRMAN TUHAN MENJADI KEGIRANGAN BAGIKU - 2 Timotius 4:6-8

Links: lagu-gereja.com, bible., perkantas, gbi, GKII, gkj, HKBP,
MISA, GMIM, GPM, toraja, gmit, gkp, gkps, gbkp, Hillsong, PlanetShakers, JPCC Worship, Symphony Worship, Bethany Nginden, Christian Song, Lagu Rohani, ORIENTAL WORSHIP, Lagu Persekutuan, NJNE, Nyanyian Jemaat GPM,