Tata Ibadah HKBP Minggu, 27 September 2026 - MINGGU XVII DUNG TRINITATIS (MINGGU EKOLOGI) - hkbp.lagu-gereja.com | Lagu gereja HKBP

View : 421 kali

Tata Ibadah HKBP 2026
Tata Ibadah HKBP Minggu, 27 September 2026 - MINGGU XVII DUNG TRINITATIS (MINGGU EKOLOGI)

Bahasa Batak

00 TANGIANG NA HOHOM
01 BE 569:1-3
O DEBATA TUNG LONGANG DO ROHANGKU
1
O Debata tung longang do rohangku,
Molo hubereng na tinompaMi,
Saluhut bintang, hilap dohot ronggur,
Manghatindanghon hasangaponMi,
Marende au Tuhan mamuji Ho,
O, Debata, sangap do Ho.
Marende au Tuhan mamuji Ho
O, Debata, sangap do Ho.
2
Di ladang di adaran dohot tombak,
Marende pidong tung mansai sonang
Punsu ni dolok, sunge dohot rura,
Mamaritahon sangapMi Tuhan.
Marende au .........
----------- Musik -----------------
...... Jongjong di ayat 3 ........
3
Molo huingot balga ni holongMu,
Marhite Jesus na tarsilang i.
Anak sasadaMi O Debatangku,
Dilehon Ho manobus jolma i.
Marende au .........
02 Votum-Introitus-Martangiang: A.XV. A.3 / D.XIII.43

03 BE 565:1-2
LAS ROHANGKU LAO MAMUJI
1
Las rohangku lao mamuji, Debata Parholong i,
Songon bunga na mangerbang, di na binsar ari i.
Arsak, dosa, haporsuhon, mago dibaen asiMi.
Las ni roha na manongtong, lehon di au Tuhanki.
2
Sude jadijadianMu, laut, tano, langit i,
Angka bintang dohot bulan, nang mata ni ari i.
Hauma, ladang, nang harangan, rura dohot dolok i,
Saluhut na mangendehon, sangap di Tuhanta i.
04 PATIK: Konfessi 1996 Bindu V
05 BE 411:1+3
NANG PE RARA DOSAMU
1
:,: Nang pe rara dosamu, ias dibaen mudarhu.:,:
Na dapdap songon hasumba, songon itak do.
Nang pe rara dosamu, nang pe rara dosamu,
Ias dibaen mudar Hu, ias dibaen mudarHu.
...... Jongjong di ayat 3 ........
3
:,: SesaoNa dosamu, ndang dibaloshon tu ho:,:
Tu Jesus ro, ho na loja, asa sabam ho.
SesaonNa dosamu, sesaonNa dosamu,
Ndang di baloshon tu ho, ndang dibaloshon tu ho.
06 MANOPOTI DOSA: B.12 / C.1
07 BE 699:1+3
SINGKOP DO ASI NI ROHAM
1
Singkop do asi ni rohaM, tu au na dangol on,
Na lilu ahu na hinan, nuaeng jumpang do.
3
Di dalanki na rahis i, gok mara ngolungki,
Ala pangurupionMi, malua tondingki.

08 EPISTEL:
Johannes 9:1-11
9:1 Dung i di na mamolus i Ibana, diida ma sada halak na mapitung tubu.
9:2 Gabe ninna angka siseanna ma manungkun Ibana: Ale Guru, ise do na mardosa,
halak on do manang natorasna, umbahen na mapitung ibana tubu?
9:3 Jadi dialusi Jesus ma: Ndada ala ni dosana manang ala ni dosa ni natorasna; alai
naeng gabe patar angka ulaon ni Debata di ibana.
9:4 Ingkon ulaonku do ulaon ni na marsuru Ahu, saleleng arian; ai dung ro borngin,
ndang tarbahen mangula disi manang ise.
9:5 Panondang ni portibi on do Ahu, tagan di portibi on Ahu.
9:6 Jadi dung didok songon i, ditijuri ma tano i mambahen gambo marhite sian ijurna
i, didalohon ma gambo i tu matana.
9:7 Dung i didok ma tu ibana: Laho ma ho marsuap tu dano Siloam (na mandok: Na
sinuru)! Jadi laho ma ibana marsuap, gabe marnida ma ibana mulak.
9:8 Dung i didok hombar bagasna ma ro di angka na marnida ibana najolo
mangidoido: Nda on do na somal hundul mangidoido?
9:9 Jadi adong ma deba na mandok: Ibana do i! Alai na deba mandok: Ndangana,
suman do ibana tusi. Didok ibana do: Ahu do i!
9:10 Dung i ninna nasida ma: Beha do hamumungkap ni matami?
9:11 Jadi didok ma mangalusi: Halak i na margoar Jesus, i do pauli gambo, didalohon
ma i tu matangku, jadi disuru ahu marsuap tu dano Siloam; dung i laho ahu tusi
marsuap, jadi marnida ma.
09 BE 178:1-2
RO MA TU JESUS
1
Ro ma tu Jesus, ro ma tibu, bege hataNa jangkon burju
Na ro do Jesus, pangolu ho, asal porsea ho
Mansai las rohanta i muse, molo ias sian dosa pe
Sai ro ma hita tu surgo i, laos sonang ma disi
...... Jongjong di ayat 2 ........
2
Ro ma tu Jesus undukkon ma, pambahenanmu na so tama
Naeng sesaonNa do dosami, dibaen mudarNa i
Mansai las rohanta i muse, molo ias sian dosa pe
Sai ro ma hita tu surgo i, laos sonang ma disi
10 MANGHATINDANGHON HAPORSEAON
11 KOOR/VG :
12 TINGTING:

13 BE 712:1-2
TOGU AU ALE JAHOWA
1
Togu au ale Jahowa, di dalan na rodop on.
Ho do na tongtong satia, togu au na gale on.
Sagu-sagu hangoluan, sai pabosur tondingkon,
Sai pabosur tondingkon.
2
Ro ma ho aek hangoluan, na pahisar tondingki
Sai di jolo ma ho Tuhan, dohot tiang apiMi
Sipartogi na gumogo, ho ma lombu-lombungki
Ho ma lombu-lombungki..
14 JAMITA:
Psalmen 25:15-22
25:15 Sai tong do * mangaranap matangku tu Jahowa, ai Ibana do * mangenet
tothu sian jorgong.
25:16 Sai dompakkon ma ahu, jala asi roham di ahu, ai * punjung jala na dangol
do ahu.
25:17 Lam ganda do hagogotan ni rohangku, sai palua ma ahu sian angka
hasosahanku.
25:18 Sai tatap ma dangolhon dohot ngaluthon, jala marpamuati ma roham di
angka dosangku sudena.
25:19 Ida ma angka musungku, ai lan do nasida, jala hosomhosom pangarupaon
dibahen nasida mangkosom ahu.
25:20 Sai ramoti ma tondingki jala palua ahu, unang tung paurak ahu, ai
marhaposan tu Ho do ahu.
25:21 Halidangon dohot hatigoran ma mangaramoti ahu, ai marhaporusan tu Ho
do ahu.
25:22 Ale Debata, sai palua ma Israel sian angka hagogotanna sudena.

15 BE 809:1--- (Persembahan IA, IB, dan II)
MOLO SAUT MA HO
1
Molo saut ma ho borhat tu na dao
Holan Jesus baen donganmi,
ToguonNa ho ramotanNa ho
sai tiur sude na langkami,
nang landit porhot sidalananmi
nang hansit ngotngot rohami,
ndang boi ganggu ho ndang boi lilu ho

molo Jesus mandongani ho.
2
Di na loja ho nang holsoan ho,
Jesus ma tongtong donganmi.
UrupanNa ho apulanNa ho,
Sonang ho tongtong di dalanMi,
Nang dao tahe situjuonmi,
Ndang maol ho tolhas tusi,
Dipaima ho tomuonNa ho,
Tung sonang do dilambungNa ho.
16. PANUTUP: Tangiang dohot Pasupasu

Nama Bayi Katolik Terlengkap, Tahun Liturgi Dalam Katolik, Kalender Liturgi Katolik 2026, Renungan Katolik 2025,

NEXT:
Tata Ibadah HKBP Minggu, 4 Oktober 2026

PREV:
TATA IBADAH HKBP Minggu, 13 September 2026

All Tata Ibadah HKBP 2026

(41)

Nyanyian Ibadah Gereja:
Lagu Koor Gereja, JB (Pujian Sekolah Minggu), KMM, KJ, PKJ, GB, NKB, Kidung Ceria, NR,

NR TORAJA, PKJ TORAJA, NKB TORAJA, NJNE, PENANIAN MASALLO', Pa'pudian, Mazmur Genewa,

Nyanyian Jemaat GPM,

LIRIK LAGU ROHANI SUNDA, Kidung Kabungahan KKB,

KPKL, KPKA, Kidung RIA GKJW,

Buku Ende, BN (Buku Nyanyian HKBP), Suplemen Buku Ende,

MNR1 (Mazmur dan Nyanyian Buku 1),
MNR2 (Mazmur dan Nyanyian Buku 2),
Nafiri Rohani, MAZMUR MP3 GKI, NP (Nyanyian Pujian), Lagu Tiberias, Nafiri Kemenangan, Lagu GMS, PPK, PPPR, KPPK, NKI, NRM, Buku Lagu Perkantas, KPJ, KRI, KPRI, KLIK, NNBT, DSL, LS, Doding Haleluya, LKEE, Suara Gembira, ,

Puji Syukur, Madah Bakti,

NEXT:
Tata Ibadah HKBP Minggu, 4 Oktober 2026

PREV:
TATA IBADAH HKBP Minggu, 13 September 2026

Renungan HKBP 2026

Minggu, 4 Oktober 2026
Jamita HKBP Minggu, 4 Oktober 2026 - PASANGAP MA DEBATA MARHITE-HITE NGOLUM (Muliakanlah Allah melalui hidupmu) - Titus 2:1-10

Minggu, 27 September 2026
Jamita HKBP Minggu, 27 September 2026 - SAI TONG DO MANGARANAP MATANGKU TU JAHOWA (Mataku Tetap Terarah Kepada TUHAN) - Mazmur 25:15-22

Links: lagu-gereja.com, bible., perkantas, gbi, GKII, gkj, HKBP,
MISA, GMIM, GPM, toraja, gmit, gkp, gkps, gbkp, Hillsong, PlanetShakers, JPCC Worship, Symphony Worship, Bethany Nginden, Christian Song, Lagu Rohani, ORIENTAL WORSHIP, Lagu Persekutuan, NJNE, Nyanyian Jemaat GPM,