ACARA PESTA PARJOLO PARNINGOTAN ARI HAHEHEON NI TUHAN JESUS KRISTUS (PASKAH I) Minggu, 05 April 2015 - hkbp.lagu-gereja.com | Lagu gereja HKBP

hkbp.lagu-gereja.com

View : 1949 kali

Download MP3 Music

Tata Ibadah HKBP

Minggu, 05 April 2015

ACARA PESTA PARJOLO PARNINGOTAN ARI HAHEHEON NI TUHAN JESUS KRISTUS (PASKAH I) Minggu, 05 April 2015

ACARA PESTA PARJOLO PARNINGOTAN
ARI HAHEHEON NI TUHAN JESUS KRISTUS
(PASKAH   I)

HKBP PONDOK GEDE RESORT PONDOK GEDE

Topik :

Monang jala Hehe Maralohon Hamatean
Minggu, 05 April 2015



Jl. Perumahan Taman Pondok Gede Blok H No.1-3
Pondok Gede RT 04 RW 01 Kelurahan Jatirahayu
Kecamatan Pondok Melati Kota Bekasi
Provinsi Jawa Barat, Telp. (021) 8467284

1.        Joujou tu Parsaoran (L= Liturgis; H= Huria; A= Ama; I= Ina; SL= Song Leader)
L   : Huria ni Tuhanta, na marlas ni roha do hita sadari on, ala nunga monang Tuhan Jesus maralohon sorop ni hamatean i. Ai didok do: "Nunga tarbondut hamatean; nunga soluk hamonangan! Jo hamatean, didia hamonanganmi? Jo hamatean, didia soropmi? Alai dosa do sorop ni hamatean, jala patik i do gogo ni dosa i. Alai mauliate ma di Debata, na pamonang hita marhitehite Tuhanta Jesus Kristus!" Hamonangan ni Jesus gabe hamonangan nang di hita, i ma na tapestahon di ari Minggu sadari on. Alani i hupasahat hami ma tu hamu: SELAMAT PASKAH ma di hita sude.

          H : "Selamat Paska ma di hita saluhutna" .

     L    : Tapasonang ma rohanta laho marparsaoran rap dohot Debata di bagas joro na badia on, martangiang na hohom ma hita di bagasan rohanta be.
                   (di tingki martangiang na hohom, manghuling organ BE. No. 15:1, BL. 103)
                Huria ni Tuhanta, nunga talu hamatean, nunga hehe Tuhan Jesus. Alani, tapangiar ma soaranta mamuji Debata, marende ma hita

2.        Marende BE No. 96:1-3 Nunga Talu Hamatean BL. 101
Nunga talu hamatean dibaen Tuhan Jesus i
Ai na hehe do Ibana songon na nidokNa i
Haleluya, haleluya nunga hehe Jesus i
Haleluya, haleluya nunga hehe Jesus i
                Ia angka boruboru lao do tu tanoman i
                Ndang disi be Tuhan Jesus nunga hehe sian i
                Haleluya, haleluya nunga hehe Jesus i
                Haleluya, haleluya nunga hehe Jesus i

                                            ---Musik---
----Jongjong----

Marlasroha be ma hita ala hehe Jesus i
Ai malua sude hita sian hamagoan i.
Haleluya, haleluya nunga hehe Jesus i
Haleluya, haleluya nunga hehe Jesus i
3.        Votum, Introitus, Tangiang
L   : Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on. Amen. Unang ho mabiar, Ahu do bonana dohot ujungna.

H   : Na mangolu do, jala naung mate do Ahu najolo, jala i da ma, Ahu do na mangolu ro di saleleng ni lelengna.

L    :                                     Jala di Ahu do anakhinsu ni banua toru dohot hamatean. HALELUYA!

   H   : (Mangendehon): Haleluya, Haleluya, Haleluya.

L    : Martangiang ma hita: Ale Tuhan Jesus, Tuhannami! Na mandok mauliate do hami tu Ho, ala ditaluhon Ho do dosa dohot hamatean marhitehite hamamateMi, ala disondangi Ho tanomannami, asa marpangkirimon na mangolu hami ala ni haheheonMi. Ndang pola be mabiar hami mida hamatean, ai Ho do ulunami, ruasMu do hami. Dipaunsat Ho do hami sian haholomon tu hatiuron, sian hamatean tu hangoluan. Antong pargogoi ma hami mamuji dohot mangoloi Ho ariari, pasangaphon Ho dibagasan haporseaon na mangolu, paima sahat hami tu lambungMu. Amen.
---hundul---

4.        Marende BE No. 629:1 + 3 "Lao do Au tu Tanoman i" BL. 629
         Lao do au tu tanoman i tung sogot soada mardongan
Dungi hubege soaraNa i hehe hape Ibana
Rap mardalan au, dohot Tuhanki ndang hapalang las ni rohangki
Ai didok "Ibana nampuna au" rap Jesus martua do au.

         Aut boi au di inganan i ganup ari raphon Ibana
         Alai au nang ho, di jou Tuhan i pararat harajaonNa.
Rap mardalan au, dohot Tuhanki ndang hapalang las ni rohangki
        Ai didok "Ibana nampuna au" rap Jesus martua do au.

5.        Patik
L    : Patik ni Debata sihangoluhononta di bagasan pesta Paskah I, tarsurat di 5 Musa 6: 4+7: "Tangihon ma, ale Israel, anggo Jahowa Debatanta i, Jahowa Sasadasa do.
H   : Jala ingkon gogoonmu mangajarhon angka i tu angka anakmu, jala taringotanmu angka i, molo hundulhundul ho di bagasan jabum, manang mardalani ho di pardalanan, manang laho modom pe ho, nang dung hehe muse.

   L    : I ma sahatna, rap ma hita mangido gogo sian Tuhanta:

H   : Ale Tuhan Debata, sai pargogoi ma hami mangulahon na hombar tu patikMi. Amen.

6.        Koor: 05.00 WIB (Ina Hanna), 09.00 WIB (Parompuan)

7.        Marende BE No. 635:1-2 "Ro ma Tuhan Jesus"        BL. 635
   Ro Tuhan Jesus Anak sasada, parasi roha, parholong i,
   Mate Ibana humophop hita, rumar tanoman i ai hehe Jesus i.
   Ala hehe Jesus ro do ari sogot mangolu au, ndang mabiar au
   Huboto do sonang au raphon Jesus,
   Sonang ma au ala naung hehe Jesus i.
                                            (Jongjong)
Di paraloan, au dongananNa pos do rohangku di ngolungki
PamonangonNa au anakhonNa, ala naung monang jala hehe Tuhanki.
Ala hehe Jesus ro do ari sogot mangolu au, ndang mabiar au
Huboto do sonang au raphon Jesus,
Sonang ma au ala naung hehe Jesus i.

8.   Manopoti & Hasesaan ni Dosa
L   : Ale Debatanami, na marasiroha jala na badia, Amanami, marhitehite Tuhan Jesus Kristus. Manang piga hali hami ro tu joloM, huhilala hami, ringkot do asi ni rohaM di saluhut hami halak pardosa. Ala ni i do umbahen na hupaserep hami dirinami sadari on di joloM, jala huparhatopot hami tung na jojot do hami manimbil sian angka dalanMu na badia songon birubiru na lilu.

         SL : Mengendehon BE No. 182:2 "Tu Jolom O Debatangku" BL. 24
                   ♫♪♫ Husolsoli do rohangku, na gok dosa i tongtong,
                 Ai godang ariaringku, na hubahen ambolong.
L   : Sai unang pabali hami sian joloM ala ni dosanami i, ai ndang dihalomohon rohaM hamatean ni angka pardosa, alai hamubaon ni rohana do lomo ni rohaM, asa mangolu. Sesa ma saluhut hageduhonnami dohot pangalaosionnami marhitehite pangolunami na sasada i, AnakMu Tuhan Jesus Kristus.

         Sude Mengendehon BE No. 182:3 "Tu Jolom O Debatangku" BL. 24
         ♫♪♫   Sai jotjot do hutadingkon, dalanMi na tigor i,
                   Kristen au, hape hutondong dalan hamagoan i.
L   : Sai pahot ma asi ni rohaM di hami marhitehite panindangion dohot hagogoon ni Tondi Parbadia asa tarapul situtu rohanami manjou Ho, asa pantun, tigor jala daulat hami marpangalaho, bahen hasangapon di GoarMu na badia i. Amen.

         Sude Mengendehon BE No. 94:3 "Ale Tondingku Naung Hehe" BL.44
          ♫♪♫ Tahaburjuhon mangalo dosanta, Jala tabaen Tuhan Jesus donganta.
                    Pos ma rohanta di Tuhanta i, PamonangonNa do hita sude.              PamonangonNa do hita sude
            L    : Tabege ma Hata bagabaga taringot tu hasesaan ni dosa: Munsat pe angka dolok, jala humuntal angka robean, alai anggo parasi ni rohangKu na so tupa munsat sian ho, jala padan ni hadameonKu na so tupa humordit, ninna Jahowa Siasii ho. Hasangapon ma di Debata na di ginjang.
         H   : Amen !
---Hundul---
9.   Koor: 05.00 WIB (Ama), 09.00 WIB (Lansia)

10.   Marende BE No. 94:2 "Ale Tondingku Naung Hehe" BL. 44
           Talu sibolis dibahen Tuhanta, nang hamatean, nang dosa sudena
         Sai dihalashon rohanta ma i, pangoluonNa do hita sude,
         PangoluonNa do hita sude

11.   Epistel:
      L    : Epistel di hita di Minggu Pesta Paskah I, tarsurat di Psalm 114 : 1 - 8: Uju na ruar i Israel sian Misir, pinompar ni si Jakkob sian bangso parhata bobang:
      H   : Jadi Juda gabe habadiaonna, Israel gomgomanna.
         L    : Diida laut i ma i, gabe tolak, jala sumurut tu pudi ia Jordan.
      A   : Marhajingjang ma angka dolok songon birubiru tunggal, angka robean songon anak ni birubiru.
      L    : Aha di ho, ale laut, umbahen maporus ho? Ale Jordan umbahen sumurut tu pudi ho?
      I     : Hamu ale angka dolok, umbahen marhajingjang hamu songon birubiru tunggal, hamu ale robean, songon anak ni birubiru?
      L    : Maradophon bohi ni Tuhan i humuturhutur ma ho, ale tano on, maradophon Debata ni si Jakkob.
         N   : Na paubahon dolok batu gabe ambar aek, batu ping gabe mual.
         L    : I ma sahatna. Martua do na tumangihon Hata ni Debata jala na umpeopsa.
         H   : Amen.

12.   Koor: 05.00 WIB (Wijk 4), 09.00 WIB (Wijk 3/Imannen)

13.   Marende BE No. 632: 1+3   "Nunga Hehe Kristus"   BL. 632
              Nunga hehe Kristus marsihohot ma hamu.
         Lam sumurung hita diulaon ni Tuhanta
         Lam sumurung hita diulaon ni Tuhanta
         Radot ma hita lao mangula tu Tuhanta
         Radot ma hita lao mangula tu Tuhanta. Amen.

                                                       (Jongjong)

Nunga hehe Kristus lam margogo ma hamu.
Lao manghamonanghon paraloan dingolunta.
Lao manghamonanghon paraloan dingolunta.
Paima monang hita di paraloanta,
Paima monang hita di paraloanta.

14.   Manghatindanghon Haporseaon
L   : Rap ma hita manghatindanghon haporseaonta i songon panghatindanghonon ni donganta sahaporseaon di sandok portibi on, rap ma hita mandok.
        H   : Ahu porsea ...
--- hundul ---

15.   Tingting - Tangiang Pangondianon

16.   Marende BE No. 93:1... "Pesta Paska, Hatuaon"            BL. 94    (Papungu Pelean la + lb)
              Pesta Paska hatuaon! Pesta Paska haluaon
         Sian hamatean i, sian hamatean i.
Tuhan Jesus do pasuang hangoluan, hasonangan tu saluhut jolma i.
                  Talu ho banua toru, ndang tarbahen tiopanmu,
Raja Siparngolu I, Raja Siparngolu i
   Hamatean, hamagoan na so pola habiaran, nunga talu i sude.

--- Organ ---

              Tuhan Jesus do na monang, Tuhan Jesus do pasuang
         Las ni roha dame pe, las ni roha dame pe
         Dongan golom ma hataNa naporsea di Ibana, ndang tagamon mago be.
Sai tapuji ma Tuhanta na pabongot tu rohanta
Roha pangkirimon i, roha pangkirimon i
Ia mate pe donganta sogot ingkon idaonta saluhut di surgo i.
--- Organ ---

17.   Jamita : Markus 16 : 1 - 8

18.   Marende BE No. 633:1 ... "Nunga Hehe Kristus i"        BL. 633
         (Pelean tu Kategorial Parompuan HKBP)
      Nunga hehe Kristus i haleluya, sian hamatean i, haleluya.
Parlangitan jouhon ma, haleluya, tano on alusi ma, haleluya.
             Singkop panghophopNa i, haleluya, gok hamonanganNa i, haleluya.
                  Sondang haluaon i, haleluya, patiur dalanta i, haleluya.

--- Organ ---

Tartaban naroko i, haleluya, dibaen Tuhan Jesus i, haleluya
       Nunga mungkap surgo i, haleluya, di na tinobusNa i, haleluya.
Monang do Tuhanta i, haleluya, talu hamatean i, haleluya
       Mago do sorop na i, haleluya, ala monang Tuhan i, haleluya.

--- Organ ---

Sangap ma di Tuhan i, haleluya, puji ma goarNa i, haleluya.
       Baen hamonanganNa i, haleluya, manondangi ngolumi, haleluya.
        Raja hangoluan i, haleluya, na sun hinagogo i, haleluya
              Jalo ma pujianki, haleluya, nang holong ni rohangki, haleluya.
--- Organ ---

19.   Pandidion na badia
Ende pandidion na badia BE No. 146:1-2 O Jesus Naeng Tardidi (BL. 6)
        O Jesus naeng tardidi do posoposo on
Sai ro ma mangaligi huhut manjalo on
Diboan natorasna nasida be tuson,
Ai naeng pasahatonna tu Ho dakdanak on


20.   Parsuruon
L   : Haleluya nunga hehe Kristus i. Nunga marsaringar tu tongatonganta Hata ni Debata na mamaritahon tu hita taringot tu haheheon ni Tuhan Jesus sian na mate. Ndang tartiopi hamatean i Tuhan Jesus. Songon dia pe balga dohot borat ni batu na manghincu baba pintu ni tanoman ni Tuhan Jesus ndang margogo Manahan Tuhan Jesus sian tanoman i. Haheheon ni Tuhan Jesus mangungkap dalan tu angka na porsea i tu haheheon sogot laho bongot tu hangoluan na saleleng ni lelengna. Kristus naung hehe sian na mate, Ibana ma parjolo ni angka na monding.

H   : Hita pe hehe do muse.

L   : Huria ni Tuhanta, torop dope na so manghaporseai haheheon ni Tuhan Jesus. Alani i tabaritahon ma heheheon ni Tuhan Jesus i tu saluhut halak, tu angka na so porsea do pe, asa parsidohot nasida tu haluaon dohot tu hangoluan na salelenglelengna i.

H : Mangendehon BE No. 627: 4 "Jesus Naung Hehe" BL. 627
                         Tabaritahon Tuhanta i, na hehe jala mangolu i.
                   Singkop do panghophoponNa i, di hita jolma pardosa i.
                   Las ma roham puji ma Tuhan i ala naung talu hamatean i.
                   Sesa dosanta haleluya, mangolu Jesus haleluya.

21.   Tangiang Pelean-Tangiang Haheheon-Tangiang Ale Amanami-Pasupasu-Mangendehon: Amen-Amen-Amen.

Nama Bayi Katolik Terlengkap, Tahun Liturgi Dalam Katolik, Kalender Liturgi Katolik 2026, Renungan Katolik 2025,

NEXT:
Tata ibadah hari kenaikan Tuhan Yesus Kristus 25 Mei 2017

PREV:
Tata Ibadah HKBP - PARNINGOTAN DI HAMAMATE NI TUHAN JESUS DOHOT MARULAON NA BADIA

All Tata Ibadah HKBP

(99)
Filipi 4:1-9 (1)
Matius 22:34-46 (1)
Mazmur 145:1-8 (1)
Roma 12:9-21 (1)
Roma 14:1-12 (2)
Yehezkiel 33:7-11 (2)
Yesaya 51:1-8 (1)

Nyanyian Ibadah Gereja:
Lagu Koor Gereja, JB (Pujian Sekolah Minggu), KMM, KJ, PKJ, GB, NKB, Kidung Ceria, NR,

NR TORAJA, PKJ TORAJA, NKB TORAJA, NJNE, PENANIAN MASALLO', Pa'pudian, Mazmur Genewa,

Nyanyian Jemaat GPM,

LIRIK LAGU ROHANI SUNDA, Kidung Kabungahan KKB,

KPKL, KPKA, Kidung RIA GKJW,

Buku Ende, BN (Buku Nyanyian HKBP), Suplemen Buku Ende,

MNR1 (Mazmur dan Nyanyian Buku 1),
MNR2 (Mazmur dan Nyanyian Buku 2),
Nafiri Rohani, MAZMUR MP3 GKI, NP (Nyanyian Pujian), Lagu Tiberias, Nafiri Kemenangan, Lagu GMS, PPK, PPPR, KPPK, NKI, NRM, Buku Lagu Perkantas, KPJ, KRI, KPRI, KLIK, NNBT, DSL, LS, Doding Haleluya, LKEE, Suara Gembira, ,

Puji Syukur, Madah Bakti,

NEXT:
Tata ibadah hari kenaikan Tuhan Yesus Kristus 25 Mei 2017

PREV:
Tata Ibadah HKBP - PARNINGOTAN DI HAMAMATE NI TUHAN JESUS DOHOT MARULAON NA BADIA

Renungan HKBP 2026

Minggu, 25 Oktober 2026
Jamita HKBP Minggu, 25 Oktober 2026 - Mangalului Pangondianan di Goar ni Jahowa (Mencari Perlindungan pada Nama TUHAN) - Zefanya 3:9-15

Minggu, 18 Oktober 2026
Jamita HKBP Minggu, 18 Oktober 2026 - DEBATA DO MANJOU JALA MAMILLIT HAMU (DIPANGGIL DAN DIPILIH ALLAH) - 2 Petrus 1:3-10

Links: lagu-gereja.com, bible., perkantas, gbi, GKII, gkj, HKBP,
MISA, GMIM, GPM, toraja, gmit, gkp, gkps, gbkp, Hillsong, PlanetShakers, JPCC Worship, Symphony Worship, Bethany Nginden, Christian Song, Lagu Rohani, ORIENTAL WORSHIP, Lagu Persekutuan, NJNE, Nyanyian Jemaat GPM,