Jamita HKBP Minggu, 10 November 2024 - MANGALEHON NANG PE HURANGAN (MEMBERI DARI KEKURANGAN) - 1 Raja-raja 17:7-16 - MINGGU XXIV DUNG TRINITATIS - hkbp.lagu-gereja.com | Lagu gereja HKBP

Buku Ende, BN (Buku Nyanyian HKBP, Suplemen Buku Ende, Lagu KOOR HKBP, Katekhimus Kecil

View : 1006 kali

Renungan HKBP 2024
Jamita HKBP Minggu, 10 November 2024 - MANGALEHON NANG PE HURANGAN (MEMBERI DARI KEKURANGAN) - 1 Raja-raja 17:7-16 - MINGGU XXIV DUNG TRINITATIS

oleh. Bikwai Simanjuntak

1 Raja-raja 17:7-16

Elia dan janda di Sarfat
17:7 Tetapi sesudah beberapa waktu, sungai itu menjadi kering, sebab hujan tiada turun di negeri itu. 17:8 Maka datanglah firman TUHAN kepada Elia: 17:9 "Bersiaplah, pergi ke Sarfat yang termasuk wilayah Sidon, dan diamlah di sana. Ketahuilah, Aku telah memerintahkan seorang janda untuk memberi engkau makan." 17:10 Sesudah itu ia bersiap, lalu pergi ke Sarfat. Setelah ia sampai ke pintu gerbang kota itu, tampaklah di sana seorang janda sedang mengumpulkan kayu api. Ia berseru kepada perempuan itu, katanya: "Cobalah ambil bagiku sedikit air dalam kendi, supaya aku minum." 17:11 Ketika perempuan itu pergi mengambilnya, ia berseru lagi: "Cobalah ambil juga bagiku sepotong roti." 17:12 Perempuan itu menjawab: "Demi TUHAN, Allahmu, yang hidup, sesungguhnya tidak ada roti padaku sedikitpun, kecuali segenggam tepung dalam tempayan dan sedikit minyak dalam buli-buli. Dan sekarang aku sedang mengumpulkan dua tiga potong kayu api, kemudian aku mau pulang dan mengolahnya bagiku dan bagi anakku, dan setelah kami memakannya, maka kami akan mati." 17:13 Tetapi Elia berkata kepadanya: "Janganlah takut, pulanglah, buatlah seperti yang kaukatakan, tetapi buatlah lebih dahulu bagiku sepotong roti bundar kecil dari padanya, dan bawalah kepadaku, kemudian barulah kaubuat bagimu dan bagi anakmu. 17:14 Sebab beginilah firman TUHAN, Allah Israel: Tepung dalam tempayan itu tidak akan habis dan minyak dalam buli-buli itupun tidak akan berkurang sampai pada waktu TUHAN memberi hujan ke atas muka bumi." 17:15 Lalu pergilah perempuan itu dan berbuat seperti yang dikatakan Elia; maka perempuan itu dan dia serta anak perempuan itu mendapat makan beberapa waktu lamanya. 17:16 Tepung dalam tempayan itu tidak habis dan minyak dalam buli-buli itu tidak berkurang seperti firman TUHAN yang diucapkan-Nya dengan perantaraan Elia.

Penjelasan:

Hea do tahe tabege pandohan na mandok songon on: BERBAGI ITU INDAH! Hea do tabege i? Toho ma i tutu indah ma na berbagi i molo adong di iba. Tarlobi molo godang di iba. Alai boha do molo so adong di iba? Nda hansit do tangan mandanggurhon na soada? Coba hamu ma jo mandanggur hape ndang adong sidanggurhononhon. Hancit do da. Dos doi songon petinju, molo dipukkul ibana alonai hape ndang hona. Gabe ibana do hancitan, ala mamungkul na kosong. Songoni ma na marsilehonlehon i manang na berbagi i. Ai ala na adong do sibagion manang silehonon asa tabo didok.

Alani i, ndang na muramura marsilehonlehon hape hita pe dalam kondisi hahurangan do. Tidak mudah berbagi ketika kita sendiri dalam kondisi kekurangan. Ndang piga songon parompuan na mabalu na di Sarfat on, atik pe hurangan do ibana nian, alai mampu do ibana berbagi manang marsilehonlehon. Siurupan do nian ibana, alai baliksa gabe pangurupi.

Ai haru adong do di ibana so haru tarpangido, apalagi ma mangalehon. Kan adong do songoni, torus matua so adong do di ibana. Asal dipangido, sai matua ndang adong. Sipata olo do mohop roha mamereng, gabe laos nidok di bagasan roha: SAI TOHO MA NIAN NDANG ADONG!

Asal pinangido: NDANG ADONG. Aut sugari nantoari hian hamu ro, attar ninna ma. Hape na so ra do rohana mangalehon. Lam boha ma molo so adong di ibana, tagamon dope olo i marsilehonlehon?
Hamu angka dongan!

Aha do mambahen parompuan na mabalu on mampu mangalehon manang marsilehonlehon atik pe di bagasan hahurangan do ibana?

NDANG MABIAR IBANA HURANGAN
Nda on do sada sahit ni hajolmaon? Mabiar hurangan. Ida hita ma na mangan di parpestaan i, apalagi ma molo prasmanan (alias sibuat na di ibana be). Alani biarna ndang adong di ibana, so amen dope nga pintor dipambuati sipanganon i. Dungi dibahen ma tu piringna i sai songon dolok simanukmanuk ma timbona ala ni suksukna di piring i. Hape so suda dipangan. Marambolongan do songon i. Hape donganna na parpudi ndang dapotan be.
Molo parompuan na mabalu on ndang mabiar ibana mangalehon atik pe di ibana sandiri pe hurang doi. Nda i do didok ibana tu si Elia: Holan itak sampohul di bagasan hudon do na adong dohot miak saotik di bagasan guriguri.
Alani do angka amang, inang, selama mabiar hita hurangan, memang akan sangat sulit untuk berbagi. Ai sai holan dirinta nama annon sarihononta. Boasa? Alana dipingkiranta, ai di hita sandiri pe hurang do.

Alani i marsiajar ma hita sian parompuan na mabalu na di Sarfat on, ndang mabiar ibana hurangan.
NDANG SIHOLIT MANGGING IBANA

Tarida do sian panghalaputionna di si Elia i, parompuan na burju do na mabalu on. Ndang parompuan siholit mangging ibana.

Adong do jolma siholit mangging ate? Manang aha pe ndang tarpangido sian ibana. Matua so adong, songon na tadok di ginjang nangkin. Gotilon monis ma! Taboto do monis tahe? Pecahan-pecahan ni boras i dung diduda. Molo dipiari boras, sai pintor dijolo ni anduri i doi. Ido asa molo sai adong jolma na sai pajolojolohon, didok doi songon monis. “Sai pajolojolohon do ho songon monis!” ninna tu ibana.
Sitirunta sian parompuan na mabalu on, gabe parsibasabasa ma hita. Ndang soal godang manang otik na talehon i. Alai keterbukaan ni rohantai do na parjolo. Ido muse na mansai arga sada taida sian turpuk on. Burju parompuan i. Songoni ma hita nian ate?

OLO AJARAN -”RADE MANJALO PETUNJUK (NDANG PAMALOMALOHON)
Adong do jolma ndang tarajaran. Nian ndang na malo, alai na pamalomalohon do. Na haduk do dohonon, oto do nian, alai sai pamalomalohon. Naeng diajari donganna, mamintor didok do: Nga huboto i! Hape aha ma na binotona?
Anggo parompuan na mabalu on, rade do ibana diajari si Elia. Rade do ibana manjalo petunjuk. Jala laos di pangalaho sisongoni do gabe terbuka pasupasu tu ibana. Manang aha petunjuk na nidok ni si Elia i, sude do diulahon ibana.
Sai olo ma hita ajaran bah…

BURJU IBANA (BAIK ORANGNYA)
Aut so na burju parompuan na mabalu on ndang tagamon olo ibana mangoloi na nidok ni si Elia i. Torop do paradongan alai ndang burju. Alai sai adong do songon na mabalu on, atik pe ndang adong dihadihana alai burju (baik orangnya). Jadi, sipata ndang haadongon i mambahen denggan, haburjuon i do. Laos pangalaho i do na mangonjar na mabalu on olo berbagi sisaotik na adong di ibana i.

PORSEA IBANA
Aut so na porsea parompuan na mabalu on, nda tung ulahononna na nidok ni si Elia i. Ra, dohononna do di bagasan rohana: NA GODANG ROHAM! Porsea do parompuan na mabalu on di hata na nidok ni si Elia, jala dirajumi ibana doi hata ni Tuhan i: “Ia itak na di bagasan hudon ndang olo suda, jala miak na di bagasan guriguri ndang jadi marsik, paima jumpang ari haroro ni udan tongoson ni Jahowa tu sisik ni tano on” (ay.14).
Hamu angka dongan!

Halak na porsea, i ma angka jolma na marpos ni roha. Ndang ganggu rohana. Ndang mabiar ibana. Ido nuaeng na taida di diri ni na mabalu on. Toho ma tutu, ala ni haporseaonna i, gabe so marnasuda be itak na dihudonna i dohot miak na di guriguri i ndang marnamarsik.

Hamu angka dongan!
Pinomat na opat pangalaho i ma na niida sian parompuan na mabalu on asa olo ibana marsilehonlehon atik pe dalam keadaan hurangan ibana. Nian godang dope alasan ni sasahalak marsilehonlehon, alai pinomat na opat pangalaho i ma niida sian parompuan na mabalu on.

Sian on ma gabe boi niantusan, soal mangalehon ndang soal adong manang so adong di iba. Soal hati do. Maksudna, roha i do na parjolo ingkon ungkap. Molo sai tartutup do rohana, tung laos sagoni pe hepeng ni i ndang tagamon olo i mangalehon. Molo sai tartutup do pintu ni rohana, tung laos suksuk di ibana ndang tagamoni olo mangalehon. Alani i, sai jumolo ma taungkap rohanta. Anggo haadongon i, hal kedua do i.
Hamu angka dongan!

Mangalehon sian hahurangan, memang agak maol doi antusan, alai aha ma huroha surungta sian na asing molo mangalehon do hita sian halobianta? Misalna, adong ma di au, dungi hulehon ma tu dongan. Biasa do i. Na luar biasa, atik pe hurangan ibana jala mansai ringkot hian di ibana, alai di waktu na bersamaan ingkon bagion ma sisaotik i. On do na luar biasa.

Pada saat kita membutuhkan, tapi kita harus berbagi, on ma na nidokna pemberian na bernilai tinggi. Amen

Nama Bayi Katolik Terlengkap, Tahun Liturgi Dalam Katolik, Kalender Liturgi Katolik 2026, Renungan Katolik 2025,

NEXT:
Jamita HKBP Minggu, 24 November 2024 - HOLAN HUASO NI DEBATA DO NA MANONTONG (KEKUASAAN DAN KERAJAAN ALLAH TIDAK AKAN LENYAP) - Daniel 7:9-14

PREV:
Jamita Minggu, 3 November 2024 - Mangkaholongi Debata dohot Jolma - 5 Musa 6:1-9 (Ulangan 6:1-9)

Renungan HKBP 2026

Minggu, 26 April 2026
Jamita HKBP Minggu, 26 April 2026 - HATIKU BERSUKACITA DAN JIWAKU BERSORAK-SORAI - Kisah Rasul 2:22-28

Minggu, 19 April 2026
Jamita HKBP Minggu, 19 April 2026 - Marlas Roha di Bagasan Tuhan (Bersukacita dalam Tuhan) - Habakuk 3:10-19

Links: lagu-gereja.com, bible., perkantas, gbi, GKII, gkj, HKBP,
MISA, GMIM, GPM, toraja, gmit, gkp, gkps, gbkp, Hillsong, PlanetShakers, JPCC Worship, Symphony Worship, Bethany Nginden, Christian Song, Lagu Rohani, ORIENTAL WORSHIP, Lagu Persekutuan, NJNE, Nyanyian Jemaat GPM,